| 樂希已經出左世大約六個星期，在他未出世以先，我都知道要照顧兩個咁細的兒子有一定難度，但現在親身經歷，難度比我想像中大，要顧及的事比我想像中多，不過我仍然認為這是值得的，求天父加力﹗加油呀﹗ 昨天解僱了新的工人，原因是覺得她未能達到我請她來的目的及要求，其他野就不多講了，總算是和平的分手。好多時計劃同現實的確會有所不同，這樣唯有改變計劃。 |
| |
| 感謝神，樂希在18/12/2008 上午睡 9:52am 順利在仁安醫院出世啦。手術過程十分順利，嘉儀媽媽第一眼看到樂希時亦忍不住她的眼淚，媽媽的愛實在偉大。 今天已經是第三天了，媽媽的傷口已經無咁痛，仲好好胃口，醫生話可以提早一日出院，明天可以走了，感謝主。而樂希的情況亦十分理想，醫生話明天應該都可以出院了。 呢個就係樂希啦，好多人都話佢好女仔﹗ 
|
| |
| 今朝又去左醫生到作產前最後一次的檢查，一切正常，而樂希已經有 6.2 磅啦。和樂天哥哥同期作比較，樂希係肥過哥哥，不過因為樂希會早十日開刀，而樂天則遲左六日先出世，所以估計樂希出世的時候就會輕過哥哥少少啦﹗ 仲有九日就要出世啦，而我就會係 18/12 開始放假，一直到 19/1 先返工，陪媽媽一齊坐月，上次我一個月輕左八磅，唔知今次會點呢﹗ |
| |
| 上次見完醫生唔記得寫..... 18/11 覆診，樂希已經有五磅啦，進度良好。亦已和醫生確定在 18/12 開刀，仲有一個月的時間，希望樂希出世時有七磅啦﹗ |
| |
